Шийдэл — Өсөлтийн хөтөлбөр

БАЙГУУЛЛАГАД ОЛОН УЛСЫН СТАНДАРТ НЭВТРҮҮЛЭХ, ХЭРЭГЖҮҮЛЭХ, ТОГТВОРЖУУЛАХ “ӨСӨЛТ”-ИЙН ХӨТӨЛБӨР

Танай байгууллагад үйл ажиллагаагаа сайжруулах ямар хэрэгцээ шаардлага байна вэ
Танай байгууллага ISO стандарт хэрэгжүүлдэг үү, эсвэл нэвтрүүлэхээр зорьж байна уу

Магадгүй танай байгууллагад яг одоо байнгын сайжруулалт нэн чухал байгаа юм биш биз, та доорх асуулгад 3-аас дээш "үгүй" гэсэн хариулт өгч байгаа бол байнгын сайжруулалт хийх хэрэгцээ гарч байна. Та ХАРИУЛААД үзнэ үү.

“Танай байгууллага системээр ажиллаж чадаж байна уу?”

Эсвэл түлхүүр ажилтан гарлаа гэхэд бүх зүйл зогсох уу?

Менежмент ба стандарт:

ISO стандартыг байгууллагын бүх түвшинд ойлгож хэрэгжүүлдэг систем мөн үү?
Дунд шатны менежерүүдийн мэдлэг, ур чадвар жигд үү?

Процесс ба баримт бичиг

Танай процессууд зураглалтай юу?
Журмууд процессынхоо уялдаатай, хэрэгждэг систем мөн үү?
Дүрэм журам, төлөвлөгөөний хэрэгжилтийг тогтмол хянадаг уу?

Эрсдэл ба хяналт

Үйл ажиллагаа, процессын эрсдлээ тодорхойлж, үнэлсэн үү?
Дотоод аудиторуудын тоо, мэдлэг, ур чадвар хангалттай юу?
Аудитын үр дүн сайжруулалтад бодитоор нөлөөлж байна уу?
Та байгууллагынхаа мониторинг, хэмжилт, дүн шинжилгээ, үнэлгээг тогтмол хугацаанд хийж чадаж байна уу?

Сайжруулалт ба оролцоо

Тасралтгүй сайжруулалтад ажилтан бүр бодитоор оролцдог уу?
Танай бодлого бизнес төлөвлөгөөтэй уялдаж, хэрэгжиж байна уу?
Ажилтнуудыг байнга сургаж, хөгжүүлж чадаж байна уу?

ХӨТӨЛБӨРИЙН ЗОРИЛГО

Энэхүү хөтөлбөр нь байгууллагын стратеги, үйл ажиллагааны онцлогт нийцүүлэн олон улсын ISO стандартуудыг үр дүнтэй нэвтрүүлэх, хэрэгжүүлэх, тогтворжуулахад дэмжлэг үзүүлэхийн зэрэгцээ менежментийн тогтолцоог боловсронгуй болгох, процессын үр ашиг болон дотоод хяналтыг сайжруулах, ажилтнуудын мэдлэг, ур чадвар, оролцоог нэмэгдүүлэх замаар байгууллагын тасралтгүй сайжруулалт, тогтвортой өсөлтийг хангахад чиглэнэ.

Байгууллагын дотоод нөөцийг бэхжүүлж, гадаад хамааралгүйгээр өөрсдөө тогтолцоогоо удирдах чадвартай болгох хөтөлбөр юм.

Өсөлтийн хөтөлбөр нь дараах дарааллаар явагдана:

ӨСӨЛТИЙН ХӨТӨЛБӨРТ ХАМРАГДСАНААР ГАРАХ ҮР ДҮН, АЧ ХОЛБОГДОЛ

ISO стандартын шаардлагад нийцсэн менежментийн тогтолцоо бүрдэнэ.

Процесс тодорхойлогдож, дотоод хяналт, ажлын бүтээмж, уялдаа холбоо сайжирна.

Ажилтнуудын ажилдаа хандах хандлага, дүрэм журам, стандартын талаарх мэдлэг, ур чадвар дээшилж, менежментийн аудит хийх чадавх нэмэгдэнэ.

Байгууллагын үйл ажиллагааны эрсдэл, үл тохирол буурч, тасралтгүй сайжруулалт хэрэгжинэ.

Баталгаажуулалтын аудитад үр дүнтэй бэлтгэгдэнэ.

Өсөлтийн хөтөлбөрийг хэрэгжүүлэх ажлууд

№	Өсөлтийн хөтөлбөрийг хэрэгжүүлэх ажлууд	Үргэлжлэх хугацаа	Гарах үр дүн- “Өсөлт”
1	GAP /Зөрүүний шинжилгээ хийх /заавал байх шаардлагатай/	ажлын 5 хоног	Байгууллагын одоогийн нөхцөл байдал стандартын шаардлагатай хэр нийцэж байгааг тодорхойлно. Сайжруулах шаардлагатай сул тал, зөрүү, эрсдэлийг илрүүлнэ.
2	ISO Олон улсын менежментийн тогтолцооны стандартуудыг нэвтрүүлэх	4-5 сар	Байгууллагын үйл ажиллагаа илүү системтэй, үр ашигтай болно. Чанар, бүтээмж, хяналт сайжирна. Эрсдэл, алдаа, давхардал буурна, ажилтнуудын оролцоо, хариуцлага нэмэгдэнэ. Хэрэглэгч, харилцагч, ажилтны сэтгэл ханамж дээшилнэ. Олон улсын шаардлага, стандартын нийцэл хангагдана. Байгууллагын нэр хүнд, өрсөлдөх чадвар нэмэгдэнэ.
3	Захиалгат сургалтуудыг ажлын орчинд хийх	2-3 өдөр	Ажилтнуудын мэдлэг, ур чадвар бодит ажлын хэрэгцээнд нийцэж сайжирна. Сургалтын үр өгөөж, хэрэгжүүлэх чадвар нэмэгдэнэ. Ажлын бүтээмж, гүйцэтгэл дээшилнэ. Стандарт, журам мөрдөлт сайжирна.
4	Дотоод аудитыг хамтран хийх	2-3 өдөр	Стандартын хэрэгжилтийн бодит нөхцөл үнэлэгдэнэ. Үл тохирол, сайжруулах шаардлагатай асуудлууд илэрнэ. Аудит хийх ур чадвар, дадлага сайжирна. Залруулах болон сайжруулах арга хэмжээ тодорхой болно. Ажилтнуудын стандартын ойлголт, оролцоо нэмэгдэнэ.
5	Дотоод аудиторуудыг нэмэлтээр бэлдэх	3 өдөр	Байгууллагын дотоод аудитын чадавх сайжирна. Аудитыг тогтмол, хараат бус хэрэгжүүлэх боломж нэмэгдэнэ. Стандартын хэрэгжилтийн хяналт сайжирна.
6	Стандартын хэрэгжилтэд сар бүр хяналт, мониторинг хийж, чиглүүлэг, зөвлөгөө өгөх	сар бүр-гэрээгээр	Стандартын хэрэгжилтийн тогтвортой байдал хангагдана. Илэрсэн зөрчил, сул талуудыг тухай бүр сайжруулах боломж бүрдэнэ. Байгууллагын дотоод хяналт, хариуцлага сайжирна. Ажилтнуудын стандарт мөрдөлт, ойлголт нэмэгдэнэ.
7	Процессын зураглал гаргаж, гүйцэтгэлийн хэмжих үзүүлэлтийг гаргах	1-3 өдөр	Байгууллагын процессууд илүү тодорхой, уялдаа холбоотой болно. Ажлын урсгал, үүрэг хариуцлага тодорхой болно. Давхардал, алдагдал, үр ашиггүй үйл ажиллагаа буурна. Гүйцэтгэлийг бодит өгөгдөлд үндэслэн хэмжих боломж бүрдэнэ.
8	Мониторинг, хэмжилт, дүн шинжилгээ, үнэлгээ хийх төлөвлөгөө боловсруулах	2-3 өдөр	Байгууллагын гүйцэтгэлийг тогтмол хянах боломж бүрдэнэ. Өгөгдөлд суурилсан дүн шинжилгээ, шийдвэр гаргалт сайжирна. Эрсдэл, зөрчил, сул талыг эрт илрүүлэх нөхцөл бүрдэнэ. Гүйцэтгэлийн үнэлгээ илүү бодит, системтэй болно. Сайжруулах шаардлагатай чиглэлүүд тодорхой болно.
9	Баримт бичиг, дүрэм журам, боловсруулах, сайжруулах	ажлын 10 хоног	Байгууллагын үйл ажиллагаа стандартын шаардлагад нийцнэ. Ажил үүргийн уялдаа, хариуцлага тодорхой болно. Баримт бичгийн нэгдсэн тогтолцоо бүрдэнэ. Процессын хэрэгжилт илүү тогтвортой, системтэй болно.